नेकपा नेता कञ्चनको गिरफ्तारीविरुद्ध माघ १० गते नेपाल बन्द घोषणा

गिरफ्तारी तथा दमनका विरुद्ध पूर्ण तागत र सचेतताका साथ सङ्घर्षमा अगाडि बढ्न महासचिव विप्लवको निर्देशन

नेपालमा आज ४९५ जना कोरोना सङ्क्रमित निको भए, मृतकको सङ्ख्या १,८९९ पुग्यो

नेपालमा आज ४९५ जना कोरोना सङ्क्रमित निको भए, मृतकको सङ्ख्या १,८९९ पुग्यो

काठमाडौँ : नेपालमा पछिल्लो २४ घन्टामा ४९५ जना कोरोना सङ्क्रमित निको भएर घर फर्केका छन् । योसँगै कोरोना सङ्क्रमणबाट निको हुनेको सङ्ख्या २ लाख ५६ हजार १६१ पुगेको छ । यो कुल सङ्क्रमितको ९७ दशमलब ३ प्रतिशत हो ।

यसैगरी नेपालमा पछिल्लो २४ घन्टामा १४४ महिला र २६५ पुरुष गरी जम्मा ४०९ जना नयाँ कोरोना भाइरस सङ्क्रमित थपिएका छन् । त्यसमा ७२ महिला र १६१ पुरुष गरी जम्मा काठमाडौँ उपत्यकामा १८४ जना नयाँ सङ्क्रमित थपिएका छन् । देशभरका प्रयोगशालामा ६ हजार ७०६ नमुना परीक्षण गर्दा उनीहरुमा सङ्क्रमण पुष्टि भएको हो । योसँगै नेपालमा कोरोना सङ्क्रमितको सङ्ख्या २ लाख ६३ हजार १९३ पुगेको छ ।

यसैगरी नेपालमा पछिल्लो २४ घन्टामा थप ६ जनाको कोरोना भाइरसको सङ्क्रमणका कारण मृत्यु भएको छ । योसँगै नेपालमा कोरोनाबाट ज्यान गुमाउनेको सङ्ख्या १ हजार ८९९ पुगेको छ ।

नेपालमा सक्रिय सङ्क्रमितको सङ्ख्या ५ हजार १३३ रहेको छ । त्यसमा आई.सी.यु.मा १९७ जना र भेन्टिलेटरमा ३० जनाको उपचार भइरहेको छ । यसैगरी आइसोलेसनमा १ हजार ६०८ जना र क्वारेन्टाइनमा ३४२ जना रहेका छन् ।

यसैगरी ५०० बढी सङ्क्रमित हुने जिल्ला काठमाडौँ रहेको छ भने सून्य सङ्क्रमित भएको जिल्लाहरु : सोलुखुम्बु, डोल्पा र मुगु रहेको छ ।

प्रतिक्रिया दिनुहोस्
error: Content is protected !!