नेकपा नेता कञ्चनको गिरफ्तारीविरुद्ध माघ १० गते नेपाल बन्द घोषणा

गिरफ्तारी तथा दमनका विरुद्ध पूर्ण तागत र सचेतताका साथ सङ्घर्षमा अगाडि बढ्न महासचिव विप्लवको निर्देशन

नेपालमा आज १,४३७ जना कोरोना सङ्क्रमित निको भए, २३ जनाको मृत्यु

नेपालमा आज १,४३७ जना कोरोना सङ्क्रमित निको भए, २३ जनाको मृत्यु

काठमाडौँ : नेपालमा पछिल्लो २४ घन्टामा १ हजार ४३७ जना कोरोना सङ्क्रमित निको भएर घर फर्केका छन् । योसँगै कोरोना सङ्क्रमणबाट निको हुनेको सङ्ख्या २ लाख ९ हजार ४३५ पुगेको छ । यो कुल संक्रमितको ९२ प्रतिशत हो ।

यसैगरी नेपालमा पछिल्लो २४ घन्टामा ६४० महिला र ९७४ पुरुष गरी जम्मा १ हजार ६१४ जना नयाँ कोरोना भाइरस सङ्क्रमित थपिएका छन् । त्यसमा काठमाडौँ उपत्यकामा ३३७ महिला र ४४८ पुरुष गरी जम्मा ७८५ जना नयाँ सङ्क्रमित थपिएका छन् । देशभरका प्रयोगशालामा ९ हजार ४९१ नमुना परीक्षण गर्दा उनीहरुमा सङ्क्रमण पुष्टि भएको हो । योसँगै नेपालमा कोरोना सङ्क्रमितको सङ्ख्या २ लाख २७ हजार ६४० पुगेको छ ।

यसैगरी नेपालमा पछिल्लो २४ घन्टामा थप २३ जनाको कोरोना भाइरसको सङ्क्रमणका कारण मृत्यु भएको छ । योसँगै नेपालमा कोरोनाबाट ज्यान गुमाउनेको सङ्ख्या १ हजार ४१२ पुगेको छ ।

नेपालमा सक्रिय सङ्क्रमितको सङ्ख्या १६ हजार ७९३ रहेको छ । त्यसमा आई.सी.यु.मा ३३३ जना र भेन्टिलेटरमा ५६ जनाको उपचार भइरहेको छ । यसैगरी आइसोलेसनमा १० हजार ५७५ जना र क्वारेन्टाइनमा ६८० जना रहेका छन् ।

यसैगरी ५०० बढी सङ्क्रमित हुने जिल्लाहरु : काठमाडौँ, भक्तपुर, ललितपुर र कास्की रहेका छन् भने सून्य सङ्क्रमित भएको जिल्लाहरु : मनाङ, डोल्पा र मुगु रहेको छ ।

प्रतिक्रिया दिनुहोस्
error: Content is protected !!