काठमाडौँ : केपी ओली–पुष्पकमल दाहाल सरकारले नेपाल कम्युनिस्ट पार्टीका प्रवक्ता प्रकाण्डलाई मङ्गलबार बेलुका ७ः३० बजे काठमाडौँबाट बिनाकारण गिरफ्तार गरेको भन्दै विभिन्न जिल्लामा विरोधसभा कार्यक्रम गरेको छ । उक्त पार्टीले घोषणा गरेको केन्द्रीय कार्यक्रम अन्तर्गत आज अर्थात शनिबार विभिन्न जिल्लाले विरोधसभा कार्यक्रम गरेका छन् । यसैबीच नेकपा रुकुमले विरोधसभा कार्यक्रम सम्पन्न गरेको छ । उक्त पार्टीले विरोध सभा कार्यक्रम रुकुममा सम्पन्न गरेको हो ।

कार्यक्रमलाई अखिल (क्रान्तिकारी)का केन्द्रीय सदस्य दिपक बिष्ट ‘बादल’ले सम्बोधन गरेका थिए । उनले पार्टीका प्रवक्ता प्रकाण्डलगायत नेताहरुलाई बिनासर्त रिहाइको माग गर्दै गरेका छन् । साथै, बादलले भोलीको भन्डाफोर कार्यक्रममा सहभागि हुन सम्पुर्ण बुद्धिजीबी व्यापारी र आम जनसमुदायलाई अपिल समेत गरेका छन् । विरोध सभाको संचालक पुर्णचन्द्र खड्का गरेका थिए । यसैगरी नेकपा कैलालीले कैलालीको दुर्गौलीमा विरोधसभा सम्पन्न सम्पन्न गरेको समाचार प्राप्त भएको छ ।

यसैगरी महोत्तरीको बर्दिबासमा प्रकान्डको रिहाइको माग गर्दै विरोधसभा गर्दै नेकपा निकट अखिल (क्रन्तिकारी)ले विरोध सभा सम्पन्न गरेको जनाएको छ । उक्त कार्यक्रममा अखिल (क्रन्तिकारी)का केन्द्रीय सचिव सन्तोसी भट्टराई र विद्यार्थीका जनक्पुर ब्युरो इन्चार्ज दिनेशले सम्बोधन गरेका छन् ।

उक्त पार्टीले कोणसभा देखि नेपाल बन्द सम्मको कार्यक्रम घोषणा गरिसकेको छ । प्रकाण्डसहित तीन जनालाई बुधबारै पाँच दिनको म्याद थप गरेर अनुसन्धान गर्न भनी टेकु प्रहरी हिरासतमा राखिएको थियो ।

याे पनि पढ्नुहाेस्