जनयुद्ध दिवसको अवसर पारेर नेपाल कम्युनिस्ट पार्टी प्यूठानले जिल्ला अस्पताल बिजुवारमा सरसफाइ तथा बिरामीहरुका लागि फलफुल वितरण कार्यक्रम गरेको छ ।
महान जनयुद्धको २७ औं वार्षिकोत्सवको अवसर जिल्ला अस्पताल सरसफाई र बिरामीहरुका लागि फलफुल वितरणसँगै अविर आवरण र शुभकामना आदान प्रदान गरेको हो ।
जिल्लास्थित सम्पूर्ण पार्टी पंक्तिका कार्यकर्ता र जनसमुदायलाई शुभकामना व्यक्त गर्दै नेपाल कम्युनिस्ट पार्टीका केन्द्रीय सदस्य तथा प्युठान जिल्ला इन्चार्ज दल बहादुर के सी जागृतिले महान जनयुद्ध का अपुरा सपना पूरा गर्नका लागि र आफ्नो पार्टी एकीकत जनक्रान्तिको बाटोबाट देशमा वैज्ञानिक समाजवाद स्थापना गर्ने कार्यभार पूरा गर्न प्रतिबद्द भएको बताए । इन्चार्ज केसीले जनयुद्ध दिवसको अवसरमा महान सहिद परिवार , घाइते अपांग योद्दा, वेपत्ता परिवारलाई उच्च सम्मानसहित शुभकामना दिदै मुठ्ठी कसि प्रतिबद्धता व्यक्त गरे । जनयुद्ध दिवसको पूर्वसन्ध्यामा हिजो आइतबार जिल्लाभर दिप प्रज्वलनसहित मशाल जुलुश गरेको नेकपा प्यूठानका सेक्रेटरी अजयले बताए । सरसफाई तथा फलफुल वितरण कार्यक्रममा सबै पार्टी पंक्ति, जनवर्गीय संगठनका कार्यकर्ता, स्थानीय जनताको सक्रिय सहभागीता रहेको सेक्रेटरी अजयले जानकारी दिए ।