काठमाडौँ : बजारमा उपभोग्य वस्तुको मूल्यले उपभोक्ताको ढाड सेकिरहेको बेला प्रचण्ड सरकारले सर्वसाधारणमाथि भार थपेर फेरि पनि पेट्रोलियम पदार्थको मूल्य बढाएको छ ।
बिहीबार राति बसेको निगम सञ्चालक समितिले पेट्रोलमा प्रतिलिटर ४ रुपैयाँ, डिजेल र मट्टितेलमा प्रतिलिटर ३ रुपैयाँ तथा खाना पकाउने एलपी ग्यासमा प्रतिसिलिण्डर २३५ रुपैयाँ बढाएको हो ।
अब काठमाडौँमा पेट्रोलको मूल्य एक लिटरको १७८ रुपैयाँ पुगेको छ । त्यस्तै डिजेल र मट्टितेलको १६७ र खाना पकाउने ग्यासको मूल्य प्रतिसिलिण्डर १८९५ रुपैयाँ पुगेको छ ।
अब नयाँ मूल्य सूची भोलि १५ गते (शुक्रबार) बिहान १ बजेदेखि लागू हुनेछ ।
प्रतिक्रिया दिनुहोस्
