राष्ट्रघाती एमसीसी सम्झौता विरुद्ध गण्डकी प्रदेश अन्तरगत विप्लव नेतृत्वको नेपाल कम्युनिस्ट पार्टी निकट अखिल (क्रान्तिकारी) ले कलेजका गेटहरुमा राष्ट्रघाती MCC सम्झौता खारेज गरौं ! राष्ट्रिय स्वाधीनताको रक्षा गरौं !! भन्ने नारासहित कालो ब्यानर टाँसेको छ ।
क्याम्पस जिल्ला पोखरा अन्तरगत त्रिभुवन विश्वविद्यालयका मुख्यमुख्य क्याम्पसको गेटमा कालो ब्यानर टाँसेको जनाएको छ । पृथ्वीनारायण क्याम्पसको गेटमा कालो ब्यानर टाँसिएको अखिल (क्रान्तिकारी) क्याम्पस जिल्लाका अध्यक्ष उपेन्द्र परियारले जानकारी दिए ।
त्यस्तै कास्की जिल्लाको जनप्रिय क्याम्पसको गेटमा पनि सोही नारा लेखिएको कालो ब्यानर टाँसिएको अखिल (क्रान्तिकारी) जनप्रिय मुल इकाई समितिले जनाएको छ ।
यसैगरी अखिल (क्रान्तिकारी) लमजुङले पनि मध्ये नेपाल नगरपालिका, दुईपिप्लेमा रहेको पुष्पलता जनएकता क्याम्पसको गेटमा MCC विरुद्धको कालो ब्यानर टाँसेको अखिल (क्रान्तिकारी) लमजुङका जिल्ला अध्यक्ष राजन साउदले जानकारी दिए । अखिल (क्रान्तिकारी) गोरखाले त्रिभुवन विश्व विद्यालयको आंगिक क्याम्पस गोर्खा क्याम्पस र शक्ति मा. वि. मा MCC विरुद्धको कालो ब्यानर टाँसेको अखिल (क्रान्तिकारी) गोर्खाका जिल्ला अध्यक्ष गगन परियारले जानकारी दिए ।
MCC सम्झौता राष्ट्रघाती रहेको र यो विषयमा विद्यार्थीहरुलाई जागरुक बनाउन र राष्ट्रिय स्वाधीनताको पक्षमा एकजुट बनाउनको लागि आफुहरुले यो अभियान चलाएको अखिल (क्रान्तिकारी) का केन्द्रिय सदस्य कमला परियारले जानकारी दिइन् ।
