नेपाल कम्युनिस्ट पार्टी निकट अखिल (क्रान्तिकारी) कास्कीले पेट्रोलियम पर्दाथमा गरिएको मुल्यबृद्धिको विरुद्धमा आज साँझ मसाल जुलुससहित विराेध प्रदर्शन गरेको छ ।
सयौंको सङ्ख्यामा पोखराको सभागृहदेखि निकालिएको मसाल जुलुस न्युरोड स्थित पोखरा महानगरपालिका अगाडि पुगेर कोणसभामा परिणत भएको थियो ।
जनताको आधारभूत विषयहरुमा जिम्मेवार बन्नुका सट्टा सरकारले जनताको ढाड सेक्ने गरी मंगलबार राति १२ बजेदेखि लागु हुने गरी साविकको विक्री मुल्यमा पेट्रोल र डिजल प्रतिलिटर रु. ३ बढाएर अब पेट्रोलको प्रतिलिटर रु. १४२ र मट्टीतेलको प्रतिलिटर रु. १२५ कायम गरेको छ भने आन्तरिक हवाई इन्धनमा प्रतिलिटर रु. १० बढाएपछि विरोध स्वरुप मसाल जुलुस कोणसभा गरिएको छ । कोण सभालाई अखिल (क्रान्तिकारी) केन्द्रिय सचिवलाय सदस्य एवं गण्डकी प्रदेश इन्चार्ज अटल शर्माले सम्बोधन गरेका थिए । उनले जनतालाई कोरोनाको नाममा कोठा भित्र थुनेर शासकहरुको मस्तिको लागि गरिएको मुल्यबृद्धि फिर्ता नगरेमा आज मशाल बोकेर सडकमा निस्केको राता मान्छेहरु यो सत्ताको चिहान खन्ने र मलामी बन्ने चेतावनी समेत दिएका छन् ।
