दाङः नेपाल कम्युनिस्ट पार्टी दाङले पार्टीका दाङ जिल्ला विशेष कमिटी सदस्य नर बहादुर घर्ती सुदिपको सडक दुर्घटनाबाट भएको निधनबाट पार्टी गम्भीर एवम् दुखित भएको जनाएको छ ।
नेकपा दाङ जिल्ला इन्चार्ज शितल र पार्टीका जिल्ला सेक्रेटरी प्रदिपले आज एक शोक वक्तव्य जारी गर्दै तुलसीपुर उपमहानगरपालिका वडा नं. ३ अन्तर्गत राप्ती राजमार्गको तुलसीपुर सल्यान सडक खण्डमा बाटो निर्माण हुँदै गरेको र सहायक बाटोबाट तुलसीपुरतर्फ आउदै गर्दा बाटो माथिबाट पहिरो झरिरहेको र उक्त पहिरोमा परेर पार्टी जिल्ला विशेष कमिटी सदस्य एवम् जनमुक्ति सेना नेपालका प्लाटुन भाइस कमाण्डर सुदिपको दुखद निधन भएको कुराले दाङ जिल्ला पार्टी गम्भीर र दुखित भएको जनाएका छन् ।
शोक वक्तव्यमा दुखद घडिमा मृतक सुदिपप्रति हार्दिक श्रद्धाञ्जली व्यक्त गरिएको छ भने घरपरिवार, पार्टी परिवार, इष्टमित्र, साथीभाई सबैमा गहिरो समवेदना प्रकट गरिएको छ ।
साथै वक्तव्यमा उक्त बाटो निर्माणको क्रममा आम जनताहरुले विभिन्न समस्या झेल्दै आएको, दुर्घटनामा मानवीय क्षती हुँदासम्म सम्बन्धित सडक निर्माण कम्पनी, सडक डिभिजन कार्यालय र सरोकारवाला सबै पक्षहरुको सडक निर्माण प्रक्रियामा सहज आवागमनको लागि सुरक्षित र वैकल्पिक निकास दिन नसक्नु अत्यन्त दुखद र गम्भीर समस्या भएकाले आगामी दिनहरुमा तत्काल सहज आवागमनका लागि सम्बन्धीत पक्षलाई ध्यानाकर्षण समेत गराइएको छ ।
शोक वक्तव्यको पूर्णपाठ
