सुर्खेतः विप्लव नेतृत्वको नेपाल कम्युनिष्ट पार्टी जिल्ला समिति सुर्खेतको संयुक्त राजनैतिक वैचारिक प्रशिक्षण कार्यक्रम वीरेन्द्रनगरमा सुरु भएको छ ।
प्रशिक्षण कार्यक्रमको सुरुमै नेकपा (माओवादी केन्द्र) परित्याग गरि लेकवेशी नगरपालिका वडा सचिवदेखि सदस्य सम्मका ११ जना नेकपामा प्रवेश गरेका छन् ।
प्रवेश गर्नेहरुमा वडा सचिव खगेन्द्र ओली, सदस्य राम बहादुर बराल, टेक बहादुर सार्की, मान बहादुर ओली, हिरासिंह सार्की, ताराकेसर ओली, अम्मर खत्री, विपन कामी, मञ्जु सार्की, कौशिला ओली र गोकुल सार्की रहेका छन् । नवप्रवेशीहरुलाई नेकपाका प्रवक्ता प्रकाण्डले फुलमाला अविर लगाएर स्वागत गरेका छन् ।
जिल्ला सेक्रेटरी ध्रुवको अध्यक्षतामा सुरु भएको प्रशिक्षणमा पूर्वी सुर्खेतका सेक्रेटरी मिनाले संचालन गरिरहेका छन् । कार्यक्रममा सहभागीहरुलाई यमराजले स्वागत मन्तव्यद्वारा स्वागत गरेका थिए ।
सुर्खेतको पूर्वी जिल्ला र पश्चिम जिल्ला गरि दुई जिल्लामा विभाजन गरेको नेकपाले दुवै जिल्लाका अगुवा कार्यकर्ताहरु बिच आन्तरिक संयुक्त प्रशिक्षण गर्न लागेको हो । प्रशिक्षण कार्यक्रमका प्रमुख अतिथि नेकपाका प्रवक्ता प्रकाण्ड सहभागी छन् । यस्तै नेकपाका केन्द्रीय सदस्य एटमको पनि आतिथ्यता रहेको छ ।
प्रशिक्षण दिनको लागि नेकपाका प्रवक्ता प्रकाण्ड मंगलबार नै सुर्खेत पुगेका छन् । प्रशिक्षणमा सहभागीहरुको तर्फबाट रिपोटिङ्ग जारी छ । त्यसपछि प्रवक्ता प्रकाण्डले प्रशिक्षण दिनु हुनेछ । अहिले कार्यक्रम जारी छ ।
