पार्टीको लेटरप्याड दुरुपयोग गर्नेमाथि जनकारबाही गर्ने नेकपाको चेतावनी

पार्टीको लेटरप्याड दुरुपयोग गर्नेमाथि जनकारबाही गर्ने नेकपाको चेतावनी

कञ्चनपुर : नेकपा कञ्चनपुरले जिल्लाको भीमदत्त नगरपालिकाका नारायणप्रसाद खत्री र निड्स नेपाल कञ्चनपुरकी अध्यक्ष अञ्जु भट्टको नाम अङ्कित गरी अज्ञात समूहले नेकपाका महासचिव विप्लवको किर्ते दस्तखत रहेको धम्कीपूर्ण पत्र छोडी जनतामा भ्रम छरेकोमा घोर आपत्ति जनाउँदै जनकारबाही गर्ने चेतावनी दिएको छ ।

पार्टीका केन्द्रीय सदस्य एवम् कञ्चनपुर जिल्ला इन्चार्ज महान र सेक्रेटरी जीवनद्वारा जारी विज्ञप्तिमा भनिएको छ, ‘हाम्रो महान् तथा जनप्रिय पार्टी नेपाल कम्युनिस्ट पार्टी लामो समयदेखि दलाल पुँजीवादी संसद्वादी सत्ताका विरुद्ध बलिदानीपूर्ण सङ्घर्ष गर्दै वैज्ञानिक समाजवादका पक्षमा जनमत सिर्जना गर्न अहोरात्र खटिरहेको कुरा आमजनसमुदायमा थाहा भएकै कुरा हो ।’

विज्ञप्तिमा अगाडि भनिएको छ, ‘विगत केही समयदेखि भीमदत्त नगर निवासी नारायणप्रसाद खत्री र निड्स (Needs) कञ्चनपुरकी अध्यक्ष अञ्जु भट्टलाई जोडेर नारायणप्रसाद खत्रीका नाममा हाम्रो पार्टी नेपाल कम्युनिस्ट पार्टीको केन्द्रीय लेटरप्याड स्क्यान गरी पार्टी र महासचिव क. विप्लवको नाम दुरुपयोग गरी धम्कीपूर्ण पत्र पठाएको कुरा पीडितबाट सुन्नमा आएकाले हाम्रो पार्टीको गम्भीर ध्यानाकर्षण भएको छ । उत्पीडित र आमसर्वसाधारण जनताका पक्षमा काम गरिराखेको जनप्रिय पार्टी र नेतृत्वलाई बदनाम गर्न आपराधिक समूहले गरेको यो जनविरोधी कार्यप्रति कञ्चनपुर जिल्ला पार्टी घोर भत्र्सना गर्दछ र यस्ता आपराधिक क्रियाकलाप गर्ने व्यक्ति वा समूहलाई पार्टीले अनुसन्धान गरी जनकारबाही गर्नेछ । साथै प्रशासनिक निकायलाई पनि यस्ता आपराधिक व्यक्तिलाई खोजी कारबाही गर्न जोडदार माग गर्दछ ।’

अज्ञात समूहले नेकपाका महासचिव विप्लवको किर्ते दस्तखत रहेको धम्कीपूर्ण पत्र

प्रतिक्रिया दिनुहोस्

हाम्रो संवाददाताबारे :