नेपाल बन्दको पूर्वसन्ध्यामा काठमाडौँका विभिन्न ठाउँमा मसाल जुलुस

नेपाल बन्दको पूर्वसन्ध्यामा काठमाडौँका विभिन्न ठाउँमा मसाल जुलुस

पेट्रोलियम पदार्थमा गरिएको मूल्यबृद्धि तथा महङ्गी विरुद्ध नेपाल कम्युनिष्ट पार्टीले कात्तिक ३० गते नेपाल बन्दको पूर्व सन्ध्यामा आज देशभर मसाल जुलुस भएका छन् । यसैक्रममा नेपाल बन्दको पूर्वसन्ध्यामा काठमाडौँका विभिन्न ठाउँमा मसाल जुलुस गरेको पार्टी स्रोतले जनाएको छ ।

काठमाडौँ महानगरपालिकाको क्षेत्रपाटीमा, दक्षिणकाली नगरपालिकाको फर्पिङ बजारमा, चन्द्रागिरी नगरपालिकाको थानकोटमा, नागार्जुन नगरको डाडापौवा, तारकेश्वर नगरको सेषमती, टोखा नगरपालिकाको टोखा बजार मसाल जुलुस गरेको छ ।

त्यसैगरी बुढानिलकण्ठको कपन क्षेत्रमा, साँखु नगरको साँखु बजारमा बन्दको पूर्वसन्ध्यामा मसाल जुलुस गरेको छ । मसाल जुलुसपछि भएको कोणसभाहरुमा बोल्ने वक्ताहरुले भोलिको नेपाल बन्द सबैको सरोकारको विषय भएकाले बन्दलाई सफल पार्न सबैलाई आग्रह गरेका छन ।

प्रतिक्रिया दिनुहोस्