नेपाल कम्युनिष्ट पार्टी कालिकोटले १० वर्षे जनयुद्धमा बलिदान गरेका सहिदका घरिपरिवारसँग भेटघाट तथा छलफल कार्यकम सम्पन्न गरेको छ । कालिकोटको माल्कोटमा कोडबाडा कुमलगाउ, रुप्सा लालुका करिब ९१ जना सहिद परिवारको उपस्थितिमा कार्यक्रम सम्पन्न भएको छ । जिल्ला सेक्रेटरी रणदिपको अध्यक्षता पार्टी प्रवक्ता एवम् केन्द्रीय सचिवालय सदस्य प्रकाण्डको प्रमुख आतिथ्ता, केन्द्रीय सदस्य एटम, केन्द्रीय सदस्य विराट, केन्द्रीय सदस्य बलवान्, केन्द्रीय सदस्य विवेक लगायतको नेताहरुको आतिथ्यतामा सम्पन्न कार्यक्रममा ५ वटै साविकका गाविसबाट सहिद परिवारले सुझावमूलक रिर्पोट राखेका थिए । जसमा प्रचण्डले धोका दिए जस्तै नेकपाले नदेओस्, समाजवाद ल्याउन शहिदपरिवारलाई सँगै लैजानु, शहिदको नाममा गेट, चौतारी, फिल्डहरु निर्माण गरियोस्, माओवादीले बिर्से जस्तै यो पार्टीले नर्बिसिओस् जस्ता सुझावहरु राखेका थिए ।
उक्त सुझाव र समग्र राष्टि«य राजनीति, र शहिदपरिवारको आगामी भूमिका सम्बन्धी नेता प्रकाण्डले प्रशिक्षण दिए। उक्त कार्यक्रमलाई सम्बोधन गर्दै प्रकाण्डले कुनैपनि हालतमा नेकपा र यसका लिडरहरु प्रचण्ड बनेर नेपाली जनता र सहिद परिवारलाई धोका नदिने बताए । आफ्नो पार्टीका अगाडि क्रान्ति बाहेक अर्को कुनै स्वार्थ नभएकाले निरन्तर संघर्ष गरिरहने नजित्दासम्म लडिरहने र शहिदको सपना भनेको क्रान्ति र परिवर्तन भएकाले आफ्नो पार्टी र लिडरले प्रचण्ड जस्तै आत्मसमर्पण नगर्ने प्रतिबद्धता व्यक्त गरे ।
उक्त कार्यक्रममा प्रभात स्मृति जनकलाकारले निकै भावुक प्रस्तुती प्रस्तुत गरेका थिए र सम्पूर्ण सहिद परिवारलाई भावुक बनाएको थियो । कार्यक्रमको अन्तमा कुनै पनि हालतमा हाम्रो पार्टी नेकपा नै हो तपाईं आट्नुहोस हामी साथ दिन्छौ भन्ने सुझाव र भरोसा दिदै कार्यक्रमका सभापति रणदिपले कार्यक्रमको समापन गरेका थिए ।
