दाङः नेपाल कम्युनिस्ट पार्टीको भातृ संगठन अनेरास्ववियु (क्रान्तिकारी) दाङको २४ औँ जिल्ला सम्मेलन पछिको दोस्रो पूर्ण बैठक सम्पन्न भएको छ । दाङको घोराहीमा भएको अनेरास्ववियु (क्रान्तिकारी) दोस्रो पूर्ण बैठकको प्रमुख आतिथ्य नेपाल कम्युनिस्ट पार्टीका केन्द्रीय सदस्य तथा दाङ जिल्ला इन्चार्ज शितलले गरेका थिए ।
बैठकमा प्रशिक्षणात्मक मन्तव्य राख्दै नेता शितलले बिद्यार्थी वर्ग बौद्धिक जमात भएको भन्दै सबैखाले विकृति विसंगतिका विरुद्ध धावा बोल्न तयार रहनुपर्ने धारणा राखे । उनले संसदीय सत्ताले शिक्षा र स्वास्थ्यमा चरम लुटपाट एवम् व्यापार गरिरहेको भन्दै त्यसका विरुद्ध संघर्ष छेड्न आह्वान गरे । कोभिड महामारीमा विद्यार्थीबाट चरम शुल्क असुल गरेर राज्यले आम श्रमजीवी जनताका छोराछोरीको पढ्ने अधिकार खोसेको नेता शितलको भनाइ थियो ।
बैठकका अतिथि तथा नेकपा दाङ जिल्ला सेक्रेटरी प्रदिप, अनेरास्ववियु (क्रान्तिकारी) राप्ती व्युरो सदस्य अनिलले मन्तव्य राखेका थिए भने युवा संगठन नेपालका केन्द्रीय संयोजक पाटनको आतिथ्यता पनि रहेको थियो ।
क्रान्तिकारीको दोस्रो पूर्ण बैठकले स्वास्थ्य र शिक्षामा भएको निजीकरणलाई सरकारीकरण गर्ने, स्थानीय तह अन्तर्गत सम्पूर्ण शिक्षा महासाखा बुझाएको ज्ञापनपत्रलाई कार्यान्वयन गराउने, प्राकृतिक प्रकोप र कोभिड(१९ बाट अभिभावक गुमाएका विद्यार्थीहरुको लागि निशुल्क पठनपाठनको व्यवस्था गर्न दबाब सिर्जना गर्ने, जिल्लामा शैक्षिक विकृतिका विरुद्ध अन्तरक्रिया गर्ने जस्ता महत्वपूर्ण निर्णय गरेको छ ।
दोस्रो पुर्ण बैठकको संचालन तथा अध्यक्षता संगठन दाङ जिल्ला अध्यक्ष अमरले गरेका थिए ।