नेपाल कम्युनिस्ट पार्टी कालिकोटले २६ अौँ जनयुद्ध दिवसको सहिद सप्ताहलाई जिल्लाका सहिद परिवारलाई अभिनन्दन गरेर मनाएको छ । सहिद सप्ताहको समापन गर्दै केन्द्रीय समितिको सम्मानपत्र र जिल्ला पार्टीले व्यवस्था गरेको सलबाट सम्मान गरेको छ । 
जिल्लाको माल्कोट, म्हेलमुडी, राष्कोट, नानिकोट, खिन र भर्तामा सम्मान गरेको छ । माल्कोट सेरापाटामा भएको शहिद परिवारहरुको सम्मान कार्यक्रममा एरिया भरिका १४५ जना शहिद परिवारलाई सम्मान गरेको छ । 
ब्युरो सदस्य अविचल र जिल्ला ईन्चार्ज एवं ब्युरो सदस्य मनिलाल ऐडी रणदिपले सम्बोधन गर्दै कुनै पनि हालतमा प्रचण्डले धोका दिए जस्तै आफ्नो पार्टी धोका नदिने कुरा बताउनु भयो । जनयुद्दका केही नकारात्मक शिक्षासहित पार्टी अगाडि बढेकाले वार्ता विरोधीहरुले हल्ला गरे जस्तै न त केपीसँग एकता गर्नका लागि न त संसदिय व्यवस्था स्वीकार गर्न हो यो वार्ता व्यवस्थामा आएको संकटलाई हल गर्नका लागि भएको दावी गर्नु भयो । सहिद परिवारले वार्तालाई विगत प्रचण्डले प्रयोग गरे जस्तो गर्नु हुन्न भन्ने धारणा राख्नु भएको छ । जनता, नेता कार्यकर्ता र शहिदपरिवारको उपस्थिति रहेको खबर तपेन्द्र ऐडीले बताउनु भएको छ ।
प्रतिक्रिया दिनुहोस्
