नेकपा नेता कञ्चनको गिरफ्तारीविरुद्ध माघ १० गते नेपाल बन्द घोषणा

गिरफ्तारी तथा दमनका विरुद्ध पूर्ण तागत र सचेतताका साथ सङ्घर्षमा अगाडि बढ्न महासचिव विप्लवको निर्देशन

प्रहरी घेराबन्दीका बीच रामेछापमा पार्टीको सातौँ पुनर्गठन दिवस भव्य रूपमा मनाइयो

प्रहरी घेराबन्दीका बीच रामेछापमा पार्टीको सातौँ पुनर्गठन दिवस भव्य रूपमा मनाइयो

रामेछाप : नेपाल कम्युनिस्ट पार्टी रामेछापले पार्टीकेन्द्रको घोषित कार्यक्रमअनुसार सातौँ पार्टी पुनर्गठन दिवस भव्य रूपमा सम्पन्न गरेको छ । प्राप्त समाचारअनुसार चौतर्फी सुरक्षाकर्मीको घेराबन्दी र राज्यका तर्फबाट लगाइएको प्रतिबन्ध चिर्दै उत्सवका रूपमा पुनर्गगठन दिवस मनाइएको हो ।

प्रमुख अतिथि जिल्ला इन्चार्ज चैतन्यले नेपाली जनता समस्या नै समस्याका बीचमा गुजारा चलाइरहेको तर राज्यसत्ता सञ्चालन गर्नेहरू कानमा तेल हालेर भ्रष्टाचार र कमिसनको खेलमा रमाउँदै कुर्सीको लुछाचुँडीमा व्यस्त रहेको बताए । उनले भने, ‘अब सबै समस्याको समाधान क्रान्तिबाट मात्र हुन्छ । नेकपाको नेतृत्वमा एकीकृत जनक्रान्तिको माध्यमबाट स्थापना हुने वैज्ञानिक समाजवादी व्यवस्था मात्र अहिलेको उच्चतम् व्यवस्था भएकाले सबै देशभक्त, प्रगतिशील, वामपन्थी, न्यायप्रेमी जनसमुदायबीच एकताको खाँचो छ ।’

कार्यक्रममा जिल्ला सेक्रेटरी विवेकले नेपालको कम्युनिस्ट आन्दोलन नेताहरूको खिचातानी र गुटबन्दीले खतम भएको बेला विप्लवले साहस गरेकाले नै फेरि क्रान्तिकारीहरू एक ढिक्का हुँदै आएको बताए । उनले अबको क्रान्तिको नेतृत्व नेपाल कम्युनिस्ट पार्टीले गरिरहेको पनि प्रस्ट पारे । आफ्नो पार्टीले अघि सारेको एकीकृत जनक्रान्तिको माध्यमबाट वैज्ञानिक समाजवाद ल्याएरै छाड्ने र दलाल पुँजीवादी व्यवस्थालाई ध्वस्त पारिछाड्ने उनले बताए ।

वक्ताहरूले कार्यक्रमस्थलवरिपरि सुरक्षाकर्मीको घेराबन्दी भएकाले आपत्तिसमेत जनाए । सुरक्षाकर्मीहरूलाई बरु दलालविरुद्ध केन्द्रित हुन र सङ्घर्षमा सबैले हातेमालो गर्नुपर्ने सुझाव पनि दिए ।

जनकलाकार जीवतले जनवादी गीतसङ्गीत प्रस्तुत गरेर कार्यक्रमलाई अझ रोचक बनाएका थिए । विश्वासको सञ्चालन, वैकल्पिक जिल्ला समिति सदस्य रजितको अध्यक्षता र जिल्ला इन्चार्ज चैतन्यको प्रमुख आतिथ्यमा उत्सव मनाइएको प्राप्त समाचारमा जनाइएको छ ।

प्रतिक्रिया दिनुहोस्
error: Content is protected !!