नेकपा (बहुमत) द्वारा पार्टी समर्थक टेकु ओझाको रिहाइको माग

नेकपा (बहुमत) द्वारा पार्टी समर्थक टेकु ओझाको रिहाइको माग

धनकुटा/नेकपा (बहुमत) धनकुटाले विज्ञप्ति जारी गरी पार्टी समर्थक टेकु ओझालाई अविलम्ब रिहा गर्न माग गरेको छ ।
पार्टी जिल्ला संयोजक मोहनले विज्ञप्ति जारी गरी नेपाल कम्युनिस्ट पार्टी (बहुमत) निरन्तर सङ्घर्षरत रहेको, त्यसैको निरन्तरतामा धनकुटामा अवस्थित यातायात व्यवस्था कार्यालय प्रमुख बाबुराम लुइँटेललाई पार्टीकै नेतृत्वमा साङ्केतिक कारबाही भएको र शुक्रबार बेलुका धनकुटा जिल्ला सहिदभूमि गाउँपालिका बरबोटेस्थित सामान्य अवस्थामा साथीको घरमा बसिरहेको अवस्थामा टेकुलाई प्रहरीले गिरफ्तार गरेकाले बिनासर्त शीघ्र रिहा गर्न माग गरेका छन् ।

संयोजक मोहनले विज्ञप्तिमा भनेका छन्, ‘नेपाली श्रमजीवी तथा उत्पीडित वर्गको अग्रदस्ता नेपाल कम्युनिस्ट पार्टी (बहुमत) निरन्तर सङ्घर्षरत छ । सङ्घर्षकै निरन्तरतामा धनकुटामा अवस्थित यातायात व्यवस्था कार्यालय प्रमुख बाबुराम लुइँटेललाई पार्टीकै नेतृत्वमा साङ्केतिक कारबाही भएको हो । यसै विषयलाई लिएर हाम्रो पार्टीका समर्थक टेकु ओझालाई मिति २०७९÷१०÷१३ गते शुक्रबार बेलुका धनकुटा जिल्ला सहिदभूमि गाउँपालिका बरबोटेस्थित सामान्य अवस्थामा साथीको घरमा बसिरहेको अवस्थामा दलाल पुँजीवादी संसदीय व्यवस्थाको प्रहरी प्रशासनद्वारा गरिएको गिरफ्तारीप्रति हाम्रो पार्टीको ध्यानाकर्षण भएको छ । गिरफ्तारीमा पर्नुभएका पार्टी समर्थक टेकु ओझाको बिनासर्त शीघ्र रिहाइको माग गर्दछौँ ।’

प्रतिक्रिया दिनुहोस्

हाम्रो संवाददाताबारे :