देशभर सहिद सप्ताह २०७७ मनाइँदै

अमेरिकाका लागि कोरिया अर्को भियतनाम बन्दै 

हाइड्रोजन तरङ्गः बहुध्रुवको प्रसव–पीडा

काठमाडाैंः जनतान्त्रिक गणतन्त्र कोरियाले आइतबार छैटौंपटक हाइड्रोजन बमको सफलतापूर्वक परीक्षण गरेपछि अमेरिकासहित पुँजीवादी ध्रुवमा ठूलो खैलाबैला भएको छ । कोरियाले उत्तर–पूर्वी जिल्ला किञ्जुस्थित पुङ्गे–री आणविक केन्द्रबाट गरेको हाइड्रोजन परीक्षण हालसम्मकै शक्तिशाली मानिएको छ । कोरियाली प्रायद्वीपमा ६.३ रेक्टर स्केलको भूकम्प गराएको लगत्तै कोरियाली सरकारी सञ्चारले हाइड्रोजन बम परीक्षणका तस्बिरहरू सार्वजनिक गरेका थिए । सो परीक्षणको विशेष महत्व के ठानिन्छ भने त्यसमा अन्तरदेशीय ब्यालेष्टिक क्षेप्यास् त्र जडान गरी प्रहार गर्न सकिने अत्याधुनिक हाइड्रोजन बमको विकास गर्नुमा छ । परीक्षण पूर्ण सफल भएको छ र विकिरण चुहावट नभएको सरकारी दावी छ; जसलाई कुनै संस्थाले खण्डन गर्न सकेका छैनन् । कोरियाको सरकारी संचार केसिएएनले उक्त परीक्षणलाई ‘चुनौतीपूर्ण सफलता’ गर्वका साथ भनेको छ । यसअघिको भन्दा दसगुणा बढी शक्तिशाली मानिएको छ । अमेरिकासहित पुँजीवादी देशहरूको पिछलग्गू आरोप लाग्दै आएको संयुक्त राष्ट्र संघसहित पुँजीवादी देशहरूले गरिरहेको विरोध, धम्की र आपत्तिलाई कोरियाले गल्लीको … भुकेको जत्ति पनि ठानेको देखिन्न । गतसाता जापानको हकाइडो प्रान्तको आकाश हुँदै समुद्रमा ब्यालेस्टिक क्षेप्यास्त्र कोरियाले खसालेको थियो । जापानले वर्षौं उपनिवेश बनाएको लुटपाट, हत्या र यौनदासी बनाएका महिला र नागरिकको घाउमा खाटो बस्दा नबस्दै कोरियाले जापानको आकाश अतिक्रमण गरेर बदला लिएको छ ।

६ अगस्त १९४५ मा अमेरिकाले जापानको नागासाकी सहरमा खसालेको ‘फ्याट ब्वाई’ बमभन्दा आइतबार परीक्षण गरेको कोरियाको हाइड्रोजन बम ५ गुणा शक्तिशाली ठानिएको छ, जसमा ४५ हजार जापानी नागरिक मारिएका थिए । अमेरिकी प्रजातन्त्रमा हुर्केको ‘फ्याट ब्वाई’ को विध्वंसमा आगो, विकिरण, क्यान्सरका कारण २ लाख थप नागरिकको ज्यान गएको थियो । अपाङ्ग, दीर्घरोगी, मानसिक विकार हुनेहरूको लेखा–जोखा छैन । अमेरिकाले त्यही सैन्य–प्रविधिको बलमा विश्वभरि उपनिवेश कायम गर्दै आएको छ । अंग्रेज साम्राज्यवादको ‘सूर्यास्त नहुने साम्राज्य’ नयाँ रूपमा अमेरिकातिर सरेको छ । नयाँ रूपको अमेरिकी औपनिवेशिकताका विरुद्ध विश्वभरि प्रतिरोध भइरहेको छ । सानो, कमजोर, आर्थिक र सामरिक हैसियत भएको कोरियाले विश्वका सबै साँढेहरूका विरुद्ध उभिन कसरी सम्भव भयो ? विश्व आश्चार्यमा परेको छ । त्यसको पछाडि सबल र अनुकरणीय आत्मगत पक्ष मुख्य छ । दोस्रो कोरिया, चीन र रुसको बीचमा संवेदनशील भौगोलिक अवस्थामा रहेको छ । कोरिया र चीनका बीचमा एउटामाथिको आक्रमण अर्को देशका विरुद्धको आक्रमण ठानिने सन्धि रहेको छ । कोरियाको विवाद बढ्दै जाँदा चीन–अमेरिका तनाव बढ्दै गएको जगजाहेर छ । अर्कोतिर कसले कोरिया–रुस सीमामा सेना परिचालन गरेको छ । यी घटना र परिवेशको संकेत के हो भने जापान, दक्षिण कोरिया र अमेरिकाका कतिपय राज्य समुद्रमा डुब्ने, अकल्पनीय क्षति र विनास व्यहोर्ने कि कोरियासँग सहकार्य गर्ने ? भन्ने प्रश्नको छनौट गर्न विश्व शक्तिहरूलाई बाध्यता भएको छ । अब कोरियासँग झुक्नु वा सहकार्य गर्नु अर्थात् एउटा विश्व शक्ति स्वीकार्नुपर्ने वाध्यता भएको छ । त्यसको अर्थ दक्षिण कोरियाबाट अमेरिकी सेना फिर्ता गर्नुपर्ने दबाब बढ्नेछ । अमेरिकाका लागि कोरिया अर्को भियतनाम बन्दैछ । त्यसको स्पष्ट सन्देश के हो भने विश्व अब घोषित रूपमा बहुध्रुवमा प्रवेशको प्रसव पीडा भोग्दैछ । विश्व शक्ति सन्तुलनका लागि भएको संघर्षको केन्द्रीय अभिव्यक्ति नै कोरियाली ‘समस्या’ हो, जसबाट पुँजीवादी–साम्राज्यवादी धु्रवको ‘निद हराम’ भएको छ भने न्यायप्रेमी, वामपन्थी र राष्ट्रियताको संघर्ष गरिहेका शक्तिहरू उत्साहित भएका छन् । नेकपाका विदेश विभाग प्रमुख तथा स्थायी समिति सदस्य धर्मेन्द्र बास्तोला ‘कञ्चन’ ले यसलाई कोरियालाई आत्मरक्षाको अधिकार भएको बताउनुभएको छ । त्यसैप्रकारको धारणा विश्वभरिका जनताको पनि रहेको छ ।   रातोखबर साप्ताहिकबाट

२०७४ भदाै २ गते अपरान्ह ५ः१७ मा प्रकाशित

प्रतिक्रिया दिनुहोस्
error: Content is protected !!