देशभर सहिद सप्ताह २०७७ मनाइँदै

मेडिकल कलेज बन्द हुने

काठमाडौंः राजनीतिक संरक्षणको आडमा अबैध ढंगले सम्बन्धन दिइएको काठमाडौं नेसनल मेडिकल कलेजको सम्बन्धन स्थगित हुने भएपछि सो कलेज अन्ततः बन्द हुने भएको छ । चौतर्फी दबावपछि शनिबार त्रिविले सम्बन्धन फिर्ता लिने निर्णय गरेको हो । स्वास्थ्य मन्त्रालयद्वारा गठित छानविन समितिले सम्बन्धन अवैध भएको प्रतिवेदन बुझाएपछि त्रिवि सो निर्णय गर्न बाध्य भएको हो । मन्त्रालयकै निर्देशनमा सम्बन्धन दिइएको र मन्त्रालयनै पछि हटेपछि सम्बन्धन स्थगित गरिएको त्रिवि परिषद्का एकजना सदस्यले बताएका छन् । कलेजको सम्बन्धन स्थगित भएपछि सो कलेजद्वारा प्रस्तावित (तयारी) अस्पतालसमेत बन्द हुने भएको छ । रामचन्द्र पौडेल गुट निकट त्रिवि उपकुलपति तीर्थराज खनियाँलाई शनिबार बिहान प्रम तथा त्रिवि कुलपति देउवाले सम्बन्धन फिर्ता लिने वा राजिनामा दिने एक विकल्प रोज्न भनेका थिए । सम्बन्धन पाएको १ महिना ५ दिनपछि कलेजको सम्बन्धन फिर्ता भएको छ । डा. गोविन्द केसीले भदौ २१ देखि पुनः आमरण अनसन बस्ने चेतावनी दिइरहेको बेला यो निर्णय भएको हो । त्रिवि कर्मचारीहरुले भने दलका नेताहरु, प्रधानमन्त्री र शिक्षामन्त्रीको निर्देशनमा सम्बन्धन दिइएको र जनदबावपछि अहिले त्रिविलाई ‘बलीको बोको’ बनाएको गुनासो गरेका छन् ।

२०७४ भदौ १८ गते ९ः२५ मा प्रकाशित

प्रतिक्रिया दिनुहोस्
error: Content is protected !!