डडेल्धुराः नेपाल कम्युनिस्ट पार्टी डडेलधुराले पार्टीको केन्द्रीय आत्मनिर्भर नीति अनुरूप जिल्लाको परशुराम नगरपालिका वडा नम्बर १० लामिजालामा नेताकार्यकर्ताहरु आलु खेतीमा जुटेका छन् ।
नेकपा डडेल्धुरा जिल्ला सचिव विजय रानाले अहिलेको अवस्थामा हरेक व्यक्ति उत्पादनमा नजोडिएर क्रान्ति र आन्दोलनमा योगदान गर्न नसक्ने बताएका छन् । उनले भने, ‘ हाम्रो पार्टीको आत्मनिर्भरता सहितको उत्पादनमा भाग लिने निर्णय समेत छ र हामी हाम्रो पार्टीसँग आवद्ध सबै कार्यकर्ता उत्पादनमूखी र प्रत्यक्ष श्रममा जोडिरहेका छौँ । समाजवादी आन्दोलनलाई दिगो बनाउन र समाजवाद स्थापनाको लामो लड़ाई सफल पार्न हाम्रो सिंगो पार्टी पंक्ति सशक्त रूपले लागिरहेका छौँ ।`
उक्त उतपादन कार्यमा पार्टी जिल्ला सचिव विजय राना, नगर इन्चार्ज पूर्णिमा धामी, कार्यालय सचिव गणेश बोहरा, नगर सचिव लाल बोहरा लगायतका श्रममा सहभागिता रहेको छ । नेकपाले जिल्ला जिल्लामा अहिले उत्पादनसँग नेताकार्यर्तालाई जोड्दै आएको छ ।
