मकवानपुरः बागमती प्रदेशको राजधानी हेटौंडामा अखिल नेपाल क्रान्तिकारी औद्योगिक मजदुर संघले सांकेतिक संघर्ष सुरु गरेको छ । हेटौंडा औद्योगिक क्षेत्र भित्र रहेका आर.एम. केमिकल नेपाल प्रा.लि. का महाप्रबन्धक बिरेन्द्र सिंहको ज्यादती र मनोमानी विरुद्ध प्रदर्शन गरेको हो ।
सिंहले उक्त कम्पनीमा कार्यरत श्रमिक कुल प्रसाद गौतमलाई विना कारण गैर न्यायिक निलम्बन गरेका थिए । निलम्बन गर्नु अगाडि देखि नै गौतमप्रति अभद्र व्यवहार गरिरहेका थिए । विनाकारण नानाथरीका गाली सहनु परेको थियो । यसरी लामो समयदेखि पीडित गौतमलाई पछिल्लो समयमा आएर निलम्बन समेत गरियो । यसरी विना कारण खेप्नु परेको अन्यायको विरुद्ध मजदुर वर्गको हक, हित र अधिकार सुनिश्चित गर्नका लागि मजदुर संघ संघर्षरत छ ।
विनाकारण निलम्बन गरिएको गौतमको सम्पूर्ण कार्वाही फिर्ता लिएर पुनः ससम्मान काममा लगाउन अखिल नेपाल क्रान्तिकारी औद्योगिक मजदुर संघले शुक्रबार मजदुर कार्यलय अगाडि प्रदर्शन गरेको थियो । सो प्रदर्शन सांकेतिक मात्रै भएको यदि माग पूरा नभएको खण्डमा थप संघर्षनात्मक कदम चाल्ने चेतावनी पनि दिएको छ ।
