युवा संगठन नेपालको दोस्रो पूर्ण बैठकले नेपाली युवाहरुको उज्वल भविष्य निर्माणका लागि तत्कालीन, मध्यकालीन र दिर्घकालीन महत्त्वका नीति कार्यक्रमहरु तर्जुमा गरेको छ । मंसिर १२ र २३ गते नवलपुरको गैडाकोटमा सम्पन्न बैठकले युवाहरुलाई व्यापक परिचालन गर्ने र संगठनलाई सुदृढ र विस्तार गर्ने योजना बनाएको बैठकपछि युवा संगठन नेपालका अध्यक्ष पाटन जंगलीले एक प्रेस विज्ञप्ती सार्वजनिक गरी नीति कार्यक्रमहरु जानकारी गराएका छन् ।
त्यसैगरी युवा संगठनले जनमत संग्रहका लागि संगठन सुदृढ तथा विस्तार अभियानको तर्जुमा गर्दै केन्द्रीकृत र विकेन्द्रीकृत संगठनात्मक अभियान संचालन गर्ने निर्णय गरेको छ । यसैगरी संगठनको संरचना केन्द्र, प्रदेश र जिल्ला बनाएको छ भने प्रदेशहरुमा प्रदेश संयोजकहरुको व्यवस्था गरेको छ । बैठकले राजनीतिक, संगठनात्मक, आर्थिक लगायत थुप्रै विषयहरुमा दिर्घकालीन महत्त्वका योजनाहरु तर्जुमा गरेको विज्ञप्तीमा उल्लेख छ । तसर्थ सम्पूर्ण क्रान्तिकारी शक्ति, वामपन्थी, बुद्धिजीवी, देशभक्त, राष्ट्रवादी शक्ति तथा आम युवाहरुको साथ समर्थनको पूर्ण अपेक्षा गरिएको छ ।
नेपाल कम्युनिस्ट पार्टीका महासचिव विप्लवको प्रमुख आतिथ्यतामा सम्पन्न भएको बैठकमा नेपाल कम्युनिस्ट पर्टीका केन्द्रीय सदस्य तथा संगठनका इन्चार्ज कृति, नेपाल कम्युनिस्ट पार्टीका केन्द्रीय सदस्य द्वय असल र शरदको विशेष उपस्थिति २ पदन सम्म बसेको बैठकले राष्ट्रिय राजनीतिमा आएका थुप्रै संकटका विषयमा गहन छलफल बहस गरेको बताइएको छ ।
देशको अर्थतन्त्रलाई नै तहसनहस पार्ने गरि भइरहेको भ्रष्टाचार, कमिसनखोरीहरुलाई कसरी नियन्त्रण गर्न सकिन्छ भन्ने विषयमा बैठकको ध्यानाकर्षण भएको पनि विज्ञप्तीमा उल्लेख गरिएको छ ।
