नेपाल कम्युनिस्ट पार्टीले सरकारसँग भएको तीन बुँदे सहमति कार्यन्वयनको लागि आज देशभरका जिल्ला प्रशासन कार्यलयमा धर्ना दिएको छ भने केन्द्रमा प्रधानमन्त्री देउवालाई ज्ञापन पत्र बुझाएको छ ।
यसैक्रममा आज इलाममा पनि जिल्ला प्रशासन कार्यलयमा नेकपाले धर्ना दिएको छ । १२ बजेदेखि आधा घण्टासम्म चलेको धर्नामा पार्टीका केन्द्रिय सदस्य सुमनसिंहको उपस्थिति रहेको थियो । कार्यक्रमपछिको कोणसभामा जिल्ला सेक्रेटरी मौसमले बोलेका थिए । सोही कार्यक्रममा प्रमुख जिल्ला अधिकारी ध्रुब बहादुर खड्का र जिल्ला प्रहरी प्रमुख महेन्द्र कुमार श्रेष्ठसँग सुमनसिंहको टोलिले भेट गरेको थियो । भेटमा नेकपा इलामका पूर्व इन्चार्ज पुष्प कोइरालाको पुन गिरफ्तारीको पछाडिको अन्तरवस्तु र अन्य विषयमा रहेका अस्पष्टताको बारेमा छलफल भएको बताइएको छ ।
धर्ना पश्चात भएको कोण सभामा बोल्दै मौसमले सरकारले सहमति कार्यन्वयन नगरे आफ्नो पार्टी जनतामा जाने र संघर्ष गर्ने बताएका छन् ।