नेपाल कम्युनिस्ट पार्टी सिन्धुली हरिहरपुर गढी गाउँ कमिटीको दोस्रो पूर्ण बैठक सम्पन्न भएको छ ।
बैठकका प्रमुख अतिथि नेपाल कम्युनिष्ट पार्टीका विशेष कमिटी सदस्य शशी राई र अतिथिहरुमा पार्टीका जिल्ला सेक्रेटरी गोपाल ब्लोन, ग्याङलेक गाउँपालिका इन्चार्ज ज्ञान बहादुर मोक्तान, मान बहादुर वाइबा लगायतको उपस्तिथि रहेको थियो ।
बैठकको अध्यक्षता कपिल वाईबाले गरेका थिए । बैठकमा उपस्थित सबैलाई शशी राईले १० वर्षे जनयुद्धको अपूरो कार्यभार पार्टीको नेतृत्वमा पूरा गर्ने हुँदा सबै जनसमुदायले साथ दिनु अपिल गरे ।
सेक्रेटरी गोपालले संसदिय व्यवस्थाको खारेजी प्रगतिशील संयुक्त सरकार द्वारा वैज्ञानिक समाजवादी व्यवस्थाको निम्ति सम्पूर्ण किसान, मजदुर, युवा,र विद्यार्थी गोलबन्द हुन अपिल गरे ।
बैठकले विकृति, विसङ्गति, महालेखा परिक्षकले निकालेको बेरुजु विरुद्ध संघर्ष गर्ने निर्णय गरेको बताइएको छ ।
यस्तै बैठकले गाउँपालिका, वडा, गाउँ स्तरमा समिति निर्माण गर्ने निर्णय पनि गरेको छ ।
प्रतिक्रिया दिनुहोस्