नेपाल कम्युनिस्ट पार्टी सर्लाहीले लालबन्दी नगरपालिका १७ रानीगन्जकी १४ वर्षिया बालिका प्रियंका भुजेलको हत्यारा गर्ने अपराधीलाई यथाशिघ्र कारबाही गर्न माग गरेको छ ।
१४ वर्षिया भुजेलको जघन्य, अमानवीय हत्या भएको र उनको शव घरदेखि ३ किलोमिटर टाढा कालिन्जोर खोलामा गाडेको अवस्थामा फेला परेको भन्दै दोषीलाई हदैसम्मको कार्बाही गर्न माग गर्दै नेपाल कम्युनिष्ट पार्टी सर्लाहीले विज्ञप्ति जारी गरेको छ ।
नेकपा सर्लाही जिल्ला सेक्रेटरी कमल सुस्लिङले जारी गरिएको विज्ञप्तीमा भनिएको छ, – १४ वर्षिया किशोरीमाथि भएको जघन्य, अमानवीय घटनाप्रति हाम्रो पार्टीको गम्भीर ध्यानाकर्षण भएको छ । उक्त घटनाको जतिसुकै निन्दा गरे पनि कम हुन्छ । अतः हाम्रो पार्टी घटनाको निष्पक्ष छानबिन गरी यस्ता प्रकारका जघन्य अपराधमा संलग्न अपराधीहरूलाई कडा भन्दा कडा सजायको माग गर्दछ । मृतक भुजेलप्रति हार्दिक श्रद्धाञ्जली व्यक्त गर्दछौँ ।’
