दाजु तपाईं साँच्चिकै “प्रशान्त”
अँध्यारोमा उज्यालो दिने
गरिब, दीनदुःखीको मनमा
हाँसो ल्याउने तपाईं प्रशान्त
क्रान्तिको विगुल बजाउँदै
जनताको मन जित्न सफल तपाईं “प्रशान्त”
जता गए पनि जनताले त तपाईंलाई
“प्रशान्त” खोइ भनिरहेका छन्
तपाईंले बनाएका सङ्गठनहरूले
तपाईंलाई सपना÷विपना “प्रशान्त” भन्दैछन् !
दाजु !
तपाईं भौतिक शरिर
रगतले राताम्मे भएको जमिन
आज मातृभूमि नि रोएर भन्दैछिन्–
दाजु ! “प्रशान्त” उठ भनेर
तपाईं त दलाल र भ्रष्टाचारीलाई अन्त्य गर्न
एकीकृत जनक्रान्तिको कार्यदिशा लिएर हिँडेको मान्छे
देशमा जनसत्ता हुनुपर्छ भन्नेहरूलाई
इन्काउन्टरका नाममा गोली हानी हत्या गरिएको छ
हिजो दसबर्से जनयुद्धका हजारौँ मोर्चाहरूमा
हजारौँ घाइते–अपाङ्गहरूलाई दुस्मनको घेराबाट
बाहिर निकाल्ने साहसी योद्धा तपाईं
आज खुलमखुला गोली हानी ढाल्यो
देश र जनताका लागि मर्छु भन्नुहुन्थ्यो
हाँसीहाँसी छातीमा गोली थाप्नुभयो
डराउनुभएन कत्ति
तपाईं मरेर गए पनि
सदा अमर रहिरहनु हुनेछ दाजु !
२०७६ साउन ९ गते बिहीबार प्रकाशित