नेकपा नेता कञ्चनको गिरफ्तारीविरुद्ध माघ १० गते नेपाल बन्द घोषणा

गिरफ्तारी तथा दमनका विरुद्ध पूर्ण तागत र सचेतताका साथ सङ्घर्षमा अगाडि बढ्न महासचिव विप्लवको निर्देशन

नीरोज्यू सुकला भयाे

कविता

‘क्रान्तिकारीहरूलाई छेक्नू, थुन्नू, दबाउनू !
बिल्ला आतङ्कको टाँस्नू, सकेको यातना दिनू !
नकरा जनता नाथे ! तँ बोलेको बढी भयो !’
प्रतिबन्ध लगाएर नीरोज्यू सुकला भयो !
‘मेरो विरुद्धमा लाग्ने समात्, कोच् जेलमा सबै !
कवि होस् वा कलाकार मुद्दा हाल् ती नछोड् कुनै !’
भनेर प्रहरीलाई सत्ताधारी खुसी भयो !
कविलाई थुनाएर नीरोज्यू सुकला भयो !
‘तँ जाबो गर्न के सक्छस् लेखेर कविता बता !
लेखिस् यो कविता तैँले ! जनताका भनिस् व्यथा !
नचिच्च्या कवि ए खाते ! तेरो फुर्ती बढी भयो !’
सिङ्गै बँदेल खाएर नीरोज्यू सुकला भयो !
‘मै हुँ राज्य तथा न्याय ! न्यायाधीश सबै म हुँ !
धर्मशास्त्र, प्रजातन्त्र, संविधान सबै म हुँ !
चुप्प लाग् जनता पाखे ! आज्ञा सम्राटको छ यो !’
तानाशाही चलाएर नीरोज्यू सुकला भयो !
अहङ्कार र उन्माद नीरोज्यूका निकै चले !
अत्याचार झुटा मुद्दा भ्रष्टाचार निकै बढे !
नीरोको सुकलायात्रा प्रजालाई असह्य भो !
सुताएछन् सदानिम्ति– नीरोज्यू सुकला भयो !

२०७६ वैशाख १३ गते शुक्रबार प्रकाशित

प्रतिक्रिया दिनुहोस्
error: Content is protected !!