हुम्ला : बैशाख ३१, स्थानीय तहको निर्वाचन मतदानकै दिन माओवादी केन्द्रका वडा अध्यक्षका उमेदवारसहित सिंगो समितिले विद्रोह गरेको छ । हुम्लाको सर्केगाड–१, जयरमा माओवादी केन्द्रका वडा अध्यक्ष उमेदवार राम रावतसहित सिंगो समितिले पार्टी परित्याग गरेको हो । माओवादी केन्द्रको हुम्ला जिल्ला पार्टीले गाउँपालिकास्तरमा एमालेसँग तालमेल गर्ने निर्णय गर्दै जयरमा पनि एमाले उमेदवारलाई मतदान गर्न ह्वीप जारी गरेपछि विद्रोह गरेको हो । माथिल्लो समितिले तल्लो समितिलाई पेल्ने रणनीति लिएपछि आफूहरुले विद्रोह गर्नुपरेको गाउँ समिति अध्यक्ष तीर्थ बुढाले बताए ।
प्रतिक्रिया दिनुहोस्