जनमुक्ति सेना

जनमुक्ति सेना

म माओवादी जनयुद्धदेखिको जनमुक्ति सेना
तैपनि म भएको छैन पूर्व–जनमुक्ति सेना ।

म अहिले पनि जनमुक्ति सेना
म भोलिको पनि जनमुक्ति सेना ।

किनकि जनताको शासन आएकै छैन
त्यसैले जनमुक्ति सेनाको काम सकिएको छैन ।

यहाँ जातीय विभेद हटेको छैन
त्यसैले जनमुक्ति सेनाको काम सकिएको छैन ।

यहाँ महिलामाथिको हिंसा रोकिएको छैन
त्यसैले जनमुक्ति सेनाको काम सकिएको छैन ।

यहाँ युवाले रोजगार पाएको छैन
त्यसैले जनमुक्ति सेनाको काम सकिएको छैन ।

यहाँ किसानले मलखाद पाएको छैन
त्यसैले जनमुक्ति सेनाको काम सकिएको छैन ।

यहाँ उखु किसानले बर्सौंदेखि उखुको मूल्य पाएको छैन
त्यसैले जनमुक्ति सेनाको काम सकिएको छैन ।

यहाँ गरिबको जीवनमा सुखको घाम लागेको छैन
त्यसैले जनमुक्ति सेनाको काम सकिएको छैन ।

यहाँ मजदुरले श्रमको मुल्य पाएको छैन
त्यसैले जनमुक्ति सेनाको काम सकिएको छैन ।

यहाँ देश स्वाधीन भएको छैन
त्यसैले जनमुक्ति सेनाको काम सकिएको छैन ।

यहाँ वैज्ञानिक समाजवाद आएको छैन
त्यसैले जनमुक्ति सेनाको काम सकिएको छैन
त्यसैले म भूतपूर्व भएको छैन ।

 

प्रतिक्रिया दिनुहोस्