काठमाडौँ : जनपत्रकार सङ्गठनका सचिव सिर्जना तिम्सिना र कोषाध्यक्ष जानकी चौधरीले सङ्गठनको पैसा उठाउने नीति नभएको र हालैका दिनमा सङ्गठनको नाम जोडेर आर्थिक लेनदेन वा सङ्कलनका विषयमा भएको टिप्पणीप्रति सङ्गठनको ध्यानाकर्षण भएको जनाएका छन् । तिम्सिना र चौधरीले संयुक्त विज्ञप्ति जारी गर्दै सङ्गठनले कुनै पनि आर्थिक अभियान सञ्चालन नगरेको र त्यस्तो अभियान चलेमा केन्द्रीय समितिको पत्रमार्फत आग्रह गरिने भएकाले अहिलेसम्मलाई सङ्गठनका नाममा कसैले पनि आर्थिक गतिविधि गर्ने नीति नरहेकाले त्यस्तो कहीँकतै भएमा त्यसलाई निरुत्साहित तुल्याउन आग्रह गरिएको पनि जनाएका छन् ।
विज्ञप्तिमा भनिएको छ, ‘जनपत्रकार सङ्गठन नेपाल श्रमजीवी पत्रकारको हकहितका लागि निरन्तर सङ्घर्ष गर्दै आएको सङ्गठन हो । आगामी दिनमा पनि यसले आफ्नो सङ्घर्ष पत्रकार हकहितका लागि जारी राख्ने प्रतिबद्धता जनाउँछ । मिडिया काउन्सिल विधेयक, सूचना प्रविधि विधेयक एवम् प्रेस तथा अभिव्यक्ति स्वतन्त्रता कमजोर पार्ने सरकारी कदमहरूको विरोध गर्दै आएको अवगतै छ । हालैका दिनमा सङ्गठनको नाम जोडेर आर्थिक लेनदेन वा सङ्कलनका विषयमा भएको टिप्पणीप्रति हाम्रो ध्यानाकर्षण भएको छ । सङ्गठनले कुनै पनि आर्थिक अभियान सञ्चालन गरेको छैन । त्यस्तो अभियान चलेमा केन्द्रीय समितिको पत्रमार्फत आग्रह गरिने भएकाले अहिलेसम्मलाई सङ्गठनका नाममा कसैले पनि आर्थिक गतिविधि गर्ने नीति नरहेकाले त्यस्तो कहीँकतै भएमा त्यसलाई निरुत्साहित तुल्याउन आग्रह गरिन्छ ।’ विज्ञप्तिको पूर्णपाठ….
