नेकपा नेता कञ्चनको गिरफ्तारीविरुद्ध माघ १० गते नेपाल बन्द घोषणा

गिरफ्तारी तथा दमनका विरुद्ध पूर्ण तागत र सचेतताका साथ सङ्घर्षमा अगाडि बढ्न महासचिव विप्लवको निर्देशन

नेकपाका मध्य केन्द्रीय कमान्ड इन्चार्ज सुदर्शनको पक्षमा सर्वोच्चमा दायर भएको बन्दीप्रत्यक्षीकरण रिट खारेज

काठमाडौं : नेपाल कम्युनिस्ट पार्टीका स्थायी समिति सदस्य तथा मध्य केन्द्रीय कमान्ड इन्चार्ज हेमन्तप्रकाश ओली “सुदर्शन” काे पक्षमा दायर भएकाे बन्दीप्रत्यक्षीकरण रिट सर्वाेच्च अदालतले खारेज गरेकाे छ । सर्वाेच्च अदालतकाे ८ नं. इजलासमा पक्षविपक्षबीच सर्वोच्च अदालतमा भएको बहसको सुनुवाइ पछी उक्त रिट खारेज भएको हो।

बुबा हेमन्तप्रकाश ओली “सुदर्शन” र दाइ लोकेन्द्र खड्कालाई गैर न्यायीक तरिकाले हिरासतमा राखेको भन्दै सुदर्शनकी छोरी विपना ओलीले गत चैत्र १४ गते सर्बोच्च अदालतमा बन्दीप्रत्यक्षीकरणकाे रिट दायर गरेकी थिइन् ।

नेता सुदर्शनको पक्षमा नेपाल बार एशाेसियसनका नब निर्बाचित अध्यक्ष तथा वरिष्ठ अधिवक्ता चण्डेश्वर श्रेष्ठ, बरिस्ठ अधिबक्ताहरु एकराज भण्डारी, विस्णु भट्टराई, नेपाल बार एशोसिएसनका पूर्व अध्यक्ष शेरबहादुर केसी, अधिवक्ताहरु कपिल चन्द्र पोखरेल , खगेन्द्र अधिकारी, उपेन्द्र केशरी न्यौपाने, खिमानन्द अधिकारी र हर्कजित लामासहित ९ जनाले बहस गरेका थिए ।

कमान्ड इन्चार्ज सुदर्शनसहित ९ जना नेता-कार्यकर्तालाई काभ्रेको खानी खोलाबाट काठमाडौं आउदै गर्दा बाटोबाट स्कार्प्युसहित प्रहरीले गिरफ्तार गरेको थियो ।

२०७५ चैत २७ गते बुधबार प्रकाशित 

प्रतिक्रिया दिनुहोस्
error: Content is protected !!