काठमाडौँ : नेपाल राष्ट्रिय बुद्धिजीवी सङ्गठनले आफ्नो सङ्गठनका केन्द्रीय सदस्य धनराज शाहीलाई प्रहरीले गिरफ्तार गरी झूट्टा मुद्दा लगाउने षड्यन्त्र गरेकाले उक्त कदमप्रति गम्भीर आपत्ति जनाउँदै खेद प्रकट गरेको छ ।
सङ्गठनका महासचिव व्यापक नेपालीले प्रेसविज्ञप्ति जारी गर्दै संविधानप्रदत्त मौलिक हक हनन गरी रचनात्मक चेतना भएका बौद्धिक समुदायलाई गिरफ्तार गर्ने, यातना दिने र झूट्टा मुद्दा लगाउने कार्य बन्द गरी शाहीलाई बिनासर्त तत्काल रिहा गर्न सरकारसँग जोडदार माग गरेका छन् ।
उनले मानवअधिकारको रक्षा र सरकारी दमनका विरुद्ध आवाज उठाउन देशभक्त–प्रगतिशील बुद्धिजीवी र मानवअधिकारकर्मीलाई अनुरोध पनि गरेका छन् ।
२०७५ चैत १४ गते बिहीबार प्रकाशित