काठमाडौँ :नेपाल कम्युनिस्ट पार्टीका स्थायी समिति सदस्य तथा मध्यकेन्द्रीय कमाण्ड इन्चार्ज सुदर्शनले केही मुठीभर मानिसको हातमा रहेको वर्तमान राज्यसत्ता गरिब किसानहरुकको हातमा आएपछि मात्र सबैप्रकारका समस्या समाधान हुने बताएका छन् ।
आफ्नो पार्टीले अघि सारेको अवधारणा एकीकृत जनक्रान्तिको माध्यमबाट सर्वहारा गरिब किसानहरुको सत्ता वैज्ञानिक समाजवाद स्थापना हुने उनले बताए । अखिल नेपाल किसान संघ(क्रान्तिकारी)को शनिबार काठमाडौंमा सम्पन्न तेस्रो राष्ट्रिय भेलाको उद्घाटन गर्दै नेता सुदर्शनले यस्तो बताएका हुन् ।
सरकार र नेकपाबिचको बार्ताप्रक्रिया अन्यौलमा परिरहेको बेला नेता सुदर्शनले आफ्नो पार्टीलाई सरकारको तर्फबाट बार्ता सम्बन्धी कुनै आधिकारीक जानकारी प्राप्त नभएको प्रस्ट पारे । उनले भने –‘हामी बार्ताको विरोधी होइनौ लामो समयदेखी वार्ता प्रक्रियाबाटै आएका हौं, तर सरकारी पक्षबाट बार्ता सम्बन्धी प्रस्ट र आधिकारीक धारणा केही पनि नआएकोबेला हामीले बार्ताको बारेका केही सोचिरहेका छैनौं ।’
भेलाले राजु कार्की संयाेजक रहेकाे ४५ सदस्यीय सम्मेलन अायाेजक समिति गठन गरेकाे छ । साथै भेलाले किसान संगठनकाे नाम परिवतर्न गरेकाे छ । अव देखि संगठनकाे नाम अखिल नेपाल किसान महासंघ (क्रान्तिकारी) भएकाे छ । किसान महासंघ (क्रान्तिकारी) का संयाेजक राजु कार्कीले छिट्टै महासंघकाे राष्ट्रिय सम्मेलन गर्ने जानकारी दिए । भेलामा नेकपाका पोलिट ब्युरो सदस्य मोहन कार्की‘जीवन्त’, अखिल (क्रान्तिकारी)का महासचिव प्रकाश शाही, नेकपाको मध्यकेन्द्रीय कमाण्ड कार्यालयका सचिव केदार खतिवडा, राष्ट्रिय कर्मचारी पशुसेवा विभागका संयोजक बासुदेव नाथ लगायत उपस्थित थिए ।
किसान महासंघका संयोजक राजु कार्की
२०७५ मंसिर १५ गते शनिबार प्रकाशित