रुकुममा जीप दुर्घटना , ७ जनाको मृत्यु, ४ घाइते

रुकुम : रुकुम पूर्वको सिस्ने गाउँपालिका ५ धारापानीमा जीप दुर्घटना हुँदा ७ जनाको मृत्यु भएको छ भने ४ जना घाइते भएका छन् । रुकमकोटबाट धौलापैरा जाँदै गरेको लु १ ज २५७३ नम्बरको जीप दुर्घटना हुँदा ४ जनाको घटनास्थलमा र ३ जनाको उपचारका क्रममा मृत्यु भएको जिल्ला प्रहरी कार्यालय रुकुमपूर्वका डीएसपी प्रविणलाल श्रेष्ठले जानकारी दिए । घाइते भएका ४ जनालाई हेलिकोप्टरमार्फत उपचारका लागि काठमाडौं लगेको छ । दुर्घटनामा मृत्यु हुनेमा रुकुमको पुथा उत्तरगंगा गाउँपालिका १ का कुमार पुन र वुद्धिराज पुन, पुथा उत्तरगंगा २ का किरण पुन, ४ का अर्जुन विक, १२ का तिर्सना तुलाचन, १४ का सालेना वर्मा र बाँकेकी ललिता परियार छन् । दुर्घटनामा घाइते भएका मुसीकोट नगरपालिका १२ का जयवीर कामी, पुथा उत्तरगंगा ११ का प्रतिमा बु्ढामगर, पुथा उत्तरगंगा २ का धनीराम पुन र सम्झना पुनलाई उपचारका लागि हेलिकोप्टरमार्फत काठमाडौं लगिएको छ ।
२०७५ साउन २ गते बेलुका १० : ३२ मा प्रकाशित

प्रतिक्रिया दिनुहोस्