गृहमन्त्री बालकृष्ण खाँड र दिपक बोहोराको घरमा कालो ब्यानर

बुटवल :नेपाल कम्युनिस्ट पार्टी(बहुमत) निकट युवा जनस्वयंसेवक नेपाल रुपन्देहीले गृहमन्त्री तथा नेपाली काँग्रेसका उमेद्वार बालकृष्ण खाँडको घरमा कालो ब्यानर टाँगेको छ । युवा जनस्वयंसेवक नेपाल रुपन्देहीले मंसिर ४ को निर्वाचनमा रुपन्देहीको क्षेत्र नम्बर ३ बाट उम्मेद्वार बनेका बालकृष्ण खाँड एमसिसी र एसपिपिको मतियार बनेको बन्दै अबज्ञा गरिएको जनाएको छ ।
यस्तै अर्का उम्मेद्वार दिपक बोहोराको घरमा पनि कालो ब्यानर टाँगिएको छ । नेपाल कम्युनिस्ट पार्टी(बहुमत) जिल्ला समिति रुपन्देहीले मंसिर ४ को निर्वाचनमा दिपक बोहोरालाई सामाजिक बहिस्कार गरौँ । आयल निगमको जग्गामा घोटाला गरेको, राष्ट्रघाती सम्झौता एमसिसीको मतियार भएको, दलाल भु–माफिया भएको भन्दै ब्यानर टाँगेको छ । गृहमन्त्री खाँड र दिपक बोहोरा दुबैलाई भोट नहाल्न र सामाजिक बहिष्कार गर्न समेत आह्वान गरिएको छ ।