वैज्ञानिक समाजवाद प्राप्तिका लागि संघर्ष गरौँ !एकीकृत जनक्रान्तिलाई निरन्तर अगाडि बढाऔँ !! भन्ने मूल नाराका साथ नेपाल कम्युनिस्ट पार्टी सिन्धुपाल्चोकले २७ औँ महान जनयुद्ध दिवस मनाएको छ ।
मेलम्चीको पट्कशिलामा सम्पन्न उक्त कार्यक्रममा पार्टीका जिल्ला सचिव युगीनले सम्बोधन गर्दै जनयुद्धको अधुरो सपना एकीकृत जनक्रान्तिमार्फत पूरा गर्ने प्रतिबद्धता जनाए । उनले नेपाली जनताले अब एकीकृत जनक्रान्तिबाट नै जनताको सत्ता प्राप्त गर्ने बताए । जनयुद्धको उदेश्य, महत्त्व र एकीकृत जनक्रान्ति बारेमा पनि उनले प्रकाश पारेका थिए । 
कार्यक्रममा जिल्ला विशेष कमिटी सदस्य किरण घिमिरे पनि शुभकामना मन्तव्य राख्दै जनयुद्धको बारेमा चर्चा परिचर्चा गरेका थिए ।
कार्यक्रममा अखिल (क्रान्तिकारी) का केन्द्रीय सदस्य तथा सिन्धुपाल्चोक अध्यक्ष रविन्द्र चौलागाईले पनि शुभकामना मन्तव्य राखेका थिए । कार्यक्रममा युवा संगठन नेपालका केन्द्रीय सदस्य तथा सिन्धुपाल्चोक दोलखा इन्चार्ज सुमन, जिल्ला संयोजक कुमारको पनि उपस्थिति रहेको थियो । 
कार्यक्रमको सञ्चालन जिल्ला सदस्य कम्युटरले गरेका थिए भने कार्यक्रमको अध्यक्षता विनोद दनुवारले गरेका थिए । 
