कैलाली : लम्कीचुहा नगरपालिकाको कार्यकक्षमा शनिबार राती आगजनी भएको छ । अज्ञात समूहले मेयर महादेव बजगाइको कार्यकक्षमा आगजनी गरेको लम्की प्रहरीले जनाएको छ । मेयरको कार्यकक्षको झ्यालको सिसा फुटाइएको छ भने झ्याल नजिकै एक हतौडा र पेट्रोल भरिएका २ वटा बोत्तल भेटिएका छन् । उनीहरुले झ्यालबाटै फालेको आगो लागेर मेयरको कुर्ची र टेबललगायतमा क्षति पुगेको जनाइएको छ ।
लम्कीका प्रहरी निरिक्षक ज्ञानेन्द्र चन्दले आगजनी नै गरेको हो भन्न नसकिने बताए । उनले विद्युत ‘पावर कन्ट्रोल’बाट आगो निस्केको देखिएको र घटनाका बारेमा अनुसन्धान भइरहेको बताए ।
२०७६ भदौ ३० गते सोमबार प्रकाशित
प्रतिक्रिया दिनुहोस्