युएइ : सरकारले विप्लव नेतृत्वको नेपाल कम्युनिस्ट पार्टी माथि लगाएको प्रतिबन्धको चौतर्फी आलोचना भइरहेको बेला नेपाली जनप्रगतिशील मोर्चा युएइले पनि उक्त प्रतिबन्ध तत्काल फिर्ता गर्न सरकारसँग माग गरेको छ । प्रतिबन्धले राजनीति रोक्न नसकिने बताउदै, राजनीति गर्न पाउने हरेक नागरिकको नैसर्गिक अधिकार हनन गरेको बताएको छ ।
आफ्नो पार्टीलाई औपचारिक बार्ताको कुनै पहल नगरेको बताउदै नेकपामाथि लगाइएको वार्ताविरोधि आरोपलाइ झुठो भनेको छ । पार्टी सधैं बार्ता र सम्वादद्वारा राजनीतिक समस्या हल गर्न चाहेको तर कुनै पहल नगरी प्रतिबन्ध गरि युद्दमा घकेलेको आरोप समेत लगाएको छ ।
नेपाली कम्युनिस्ट आन्दोलनमा सत्तापक्षबाट हरेक कालखण्डमा प्रतिबन्धहरु भोग्दै आएका पार्टी र नेताहरुद्वारा नेकपामाथि प्रतिबन्ध लगाएको नेपाली जनप्रगतिशील मोर्चा युएइले बिज्ञप्ति मार्फत जनाउदै, प्रतिबन्ध खारेज गर्न माग गरेको छ ।
२०७५ चैत ३ गते आइतबार प्रकाशित